Mga mayor nga dalanon sa syudad, siraduhan sa highlight sang #Dinagyang Festival sa Enero 25 tubtob 27

Iloilo City — Siraduhan ang mga mayor nga dalanon sa syudad sa highlight sang Dinagyang Festival sa Enero 25, 26 kag 27.

Suno kay Public Safety and Transportation Management Office (PSTMO) Head Jeck Conlu, las-6 tubtob las-7 sa aga sa Biernes, masugod na sila sa pag-clear sang mga karsada.

Las-8 sa aga naman masugod na ang mga programa.

Mabalik suno sa iya sa normal ang mga ruta sa Lunes na sang kaagahon, Enero 28.

Ang mga depasahero nga jeep halin sa Jaro kag Lapaz ang tubtob lang sa Huervana Street sa Gaisano City. Ang mga jeep halin Molo, magalabay sa General Luna Street, liko sa Mabini Street pakadto sa Iloilo Terminal Market. Ang mga jeep naman nga nagalabay sa Ledesma Street, maliko sa Mabini Street pakadto sa Iloilo Terminal Market. Samtang indi na makasulod sa downtown ang mga jeep nga halin sa Lapuz. (AGB)