Preso sa Iloilo District Jail sa Pototan, patay matapos ginpahayag nga nagbitay

Pototan, Iloilo — Dead-on-arrival sa ospital ang 38-anyos nga preso sa Iloilo District Jail sa Barangay Nanga, Pototan matapos ginpahayag nagbitay sa sulod sang selda.

Suno kay PO2 Chris Latoza, imbestigador sa Pototan Police Station, nasapwan si Philip sang Anilao nga nagabitay pasado las sais kaina sang aga, Enero 22, gamit ang iya paha.

Si Philip ang may kaso angut sa paglapas sa Comprehensive Dangerous Drugs Act kag napreso sang 2016.

Nagapati naman ang warden nga si Jail Supt. Vicente Papelera nga wala sang foul play sa kamatayon ni Philip. (AGB)