Sweldo sang tanan nga job hires sa syudad, delay suno kay City Administrator Atty. Hernando Galvez

Iloilo City — Indi lang street sweepers ang wala pa sang job orders kag wala maswelduhan sang City Government kundi tanan nga job hires.

Suno kay City Administrator Atty. Hernando Galvez, wala pa sang job orders bangud wala pa ma-release sang City Budget Office ang Allotment Release Orders bisan pa nga ginmanduan na ni Mayor Joe Espinosa kag ginhatagan sang deadline kahapon, Enero 21.

Ginpahayag ni Galvez nga wala naka-apekto ang Budget Ordinance nga nagatunga sa pagasto sang pondo sa pag release sang orders.

Plano ni Galvez nga pa-imbestigaran ang pagka-delay sa pag release sang orders. Ginabanta duha ka libo ka job hires ang apektado. (AGB)