Drug surrenderer sa Mina, patay sang gintiro sang mga nakasakay sa pick-up

Mina, Iloilo — Ginkilala ang biktima kay Melvin Hermosura, 37 nga dead-on-arrival sa Janiuay District Hospital bangud sang pilas sa ulo.

Suno kay Inspector Shiela Bito-onon, hepe sang Mina MPS, bag-o lang naghalin sa ila balay si Hermosura sakay sa iya motorsiklo sang ginbanggaan sang pick-up nga puti nga may apat ka sakay nga armado sang pusil kag gintiro pasado alas-12 kaina sang hapon. Sang natumba si Hermosura, ginkuha pa sang mga suspek ang iya sling bag.

Wala pa sang na-establisar nga anggulo ang police suno kay Bito-onon. (AGB)