Janiuay Vice Mayor Jojo Lutero, nag-file sang disqualification case batuk kay Mayoralty candidate Frankie Locsin bangud sa issue sang dual citizenship

Janiuay, Iloilo – Nakalkalan sang grupo ni Janiuay Vice Mayor Jojo Lutero nga ginpahayag dual citizen si anay Janiuay Mayor Frankie Locin rason nga nag-file siya sang disqualification case sa Commission on Elections (Comelec).

Suno kay Lutero, nakit-an sa gin-file nga certificate of candidacy (COC) ni Locsin nga ginbun-ag siya sa California, USA.

Maathag suno sa iya nga paglapas ini sa laye. Dapat suno kay Lutero nga sundon ang laye bangud ini ang naga-govern sa hulag sang tagsa ka tawo.

Makabig suno sa iya nga Filipino-American citizen si Locsin bangud ginbun-ag ini sa USA bisan pareho nga Filipino ang iya ginikanan.

Gin-aku ni Lutero nga bag-o lang natukiban ang citizenship ni Locsin bisan pila ka beses na siya nga nagdaog bilang alkalde sang banwa matapos nga iya gin-aku nga dual citizenship siya.

Dugang pa ni Lutero, wala gin-renounce ni Locsin ang iya American citizenship sang nag-file sang COC.

Mabunggu-anay sanday Lutero kag Locsin sa pagka-mayor sa Janiuay sa May 13 midterm elections. (JoMaque)