Mga kontrabando, na-recover sa greyhound operation sa Iloilo City District Jai-Male Dormitory sa Ungka, Jaro

Iloilo City— Naka-recover sang mga kontrabando sa greyhound operation sang BJMP, Jaro police kag PDEA 6 sa Iloilo City District Jail – Male Dormitory sa Barangay Ungka, Jaro kaina sang aga, Enero 25.

Suno kay Jail Officer 1 Joebert Muñoz, operation officer sa ICDJ, lakip sa nakuha sa mga selda ang cutter, ice pick, blade, lansang, dagum, lighter kag baraha.

Posible suno kay Muñoz nga gingamit sang mga preso ang pila ka recoveries sa pag-obra sang parol sang Disyembre kag wala na ginbalik sa tagdumalahan.

I-deliberate sang Inmate Disciplinary Board ang penalidad sa mga preso nga nakuhaan sang kontrabando.

1,063 ang mga preso sa jail facility nga may 21 ka mga selda.

Ang operasyon kaina sang aga ang una nga surprise greyhound operation sa ICDJ subong nga tuig. (AGB)