SIGNAL SHUTDOWN SA ENERO 26 KAG 27, MAGA-APEKTO SA TANAN NGA CELLULAR SERVICES – GLOBE TELECOM

Iloilo City — Apektado sang signal shutdown sa highlight sang #Dinagyang Festival sa Enero 26 kag 27 ang tanan nga cellular services pareho sang text, call, data kag pocket wifi (mga serbisyo nga nagakuha sang signal sa cell site). 

Indi naman apektado ang wifi ukon wired services (ang naga-angut sa landline telephone). 

Suno kay Mr. Patrick Gloria, Director for External Affairs sa Visayas kag Mindanao sang Globe Telecom, masugod ang signal shutdown las-6 sa aga tubtob las-dos sa hapon.

Ginpanugyan niya nga paagi sang komunikasyon ang pag-connect sa mga establisemento nga may wifi ukon wired services sa tiun sang shutdown.

Magluwas sa City Proper area, posible suno kay Gloria nga maapektuhan ang mga customers sang Globe sa Pavia kag Guimaras. 

Nagpaguwa sang memorandum ang National Telecommunications Commission angut sa signal shutdown sang Smart Communications, Inc; Globe Telecom, Inc kag Digitel Mobile Philippines, Inc kasunod sang request ni PNP Chief Director General General Oscar Albayalde.  (AGB)