Dinagyang Update: 10 grupo nga mapasakup sa Kasadyahan Regional Cultural Competition, handa na subong nga adlaw para sa ila performances

Iloilo City — Handa na ang 10 ka grupo nga mapasakup sa Kasadyahan Regional Cultural Competition subong nga aga, Enero 26.

Ginapabugal ni Dr. Eden Deriada, in-charge sa Kasadyahan, nga mas manami nga mga performances ang masaksihan.

Makita suno kay Dr. Deriada ang uniqueness sang kada festival nga mapasakup.

Magasugod ang programa las-otso sa aga kag ginalauman nga matapos antes mag-alas-12 sa udto.

Ang walo ka competing groups amo ang Pinta Flores Festival sang San Carlos City, Negros Occidental; Kaing Festival sang Leon; Hugyaw Festival sang St. Therese MTC Colleges-La Fiesta, Iloilo City; Hubon Guimarasnon sang Manggahan Festival sang Guimaras; Sugilanon Festival sang Roxas City, Capiz; Tultugan Festival sang Maasin;  Hambaro Festival sang San Remigio, Antique kag Manughabol sang Salakayan Festival sang Miagao.

Duha naman ang guest performers nga amu ang Panganinao Festival sang Iloilo Science and Technology University kag MassKara Festival sang Bacolod City. (JoMaque)