40 trucks sang basura, natipon sa palibot sang syudad pagkatapos sang Dinagyang Festival

Iloilo City — Nagalab-ot sa 40 ka mga trucks sang basura ang natipon sang General Services Office (GSO) sa palibot sang syudad pagkatapos sang Dinagyang Festival.

Suno kay Neil Ravena sang GSO, 15 ka trucks sang basura ang ila nakuha sa mga activity areas halin Enero 25 tubtob 27 kag 20 ka trucks kaina sang aga, Enero 28.

Ginpahayag ni Ravena nga kapareho man nga volume sang basura ang nahakot sang GSO sang nagligad nga tuig nga Dinagyang pero mas madasig ang pagpanglimpyo subong nga tuig.

214 ka street sweepers suno sa iya ang nagbulig sa pagpanglimpiyo sa downtown area. Magluwas sa 90 ka street sweepers sa city proper, nag-augment man suno kay Ravena ang mga street sweepers halin sa iban nga distrito. (AGB)