Lalaki patay matapos ginpahayag nagbatu sa drug buy bust operation sa Concepcion

Iloilo — Patay ang subject sang buy bust operation matapos nga ginpahayag nagbato sa pulis nga poseur-buyer sa Barangay Bacjawan Sur alas 6:45 kagab-i, Enero 27.

Ginkilala ang subject kay Roger Deocampo, 58 sang Barangay Calubihan, Jaro.

Suno kay Chief Inspector Jonah Galicha, hepe sang Concepcion Police Station, pusher ang classification kay Deocampo kag ginpahayag nga tinawo ni Noel Salcedo nga kilala nga drug personality sa Sara, Iloilo.

Ginpahayag ni Galicha nga nagbato si Deocampo sang gindeklarar sang poseur-buyer nga arestado siya.

Magluwas sa shabu, nagabaligya man suno kay Galicha si Deocampo sang illegal nga pusil.

Lakip sa recoveries ang apat ka sachets sang suspected shabu lakip ang buy bust item, P400 nga buy bust money, isa ka cellphone, lighter, homemade shotgun kag isa ka bala.

Sa Concepcion si Deocampo bangud may gina-uma sa lugar. (JoMaque)