ICPO spox, nag-ako nga inisyatibo sang police ang pagpahamtang sang LGBT lane sang Dinagyang nga gintawag sang Iloilo Pride Team nga discriminatory

Iloilo City— Maayo kuntani ang katuyuan sang mga pulis nga nagbutang sang “LGBT lane” sa Forbes bridge sa Luna, Lapaz sang Dinagyang.

Ugaleng suno kay PSInsp Shella Mae Sangrines, head sang Iloilo City Police Office-Women and Children’s Protection Desk kag ICPO spokesperson, wala lang “na-fine tune” ang amo nga tikang.

Nagpangayo sang paghangup si Sangrines sa LGBT community sa natabu.

Gin-ako ni Sangrines nga wala sang koordinasyon sa mga concerned organizations ang pagbutang sang lane para sa mga miembro sang LGBT community.

May nagdayaw sa amo nga lihok pero ang Iloilo Pride Team nagkabig sini nga discriminatory.

Nagpagguwa sang statement ang Iloilo Pride Team angut sini: “The Iloilo Pride Team does not condone this unnecessary segregation of members of the LGBT community. We uphold our principles that LGBT rights is a fight not for SPECIAL rights but of EQUAL rights. Thus, this segregation and creation of a ‘lane’ specific to LGBT person is discriminatory in nature.”

(AGB/MO)