Alkalde sa New Lucena, padayon ang serbisyo bisan may ginpaguwa nga suspension order ang Ombudsman

New Lucena, Iloilo — Padayon ang serbisyo ni New Lucena Mayor Christian Sorongon bisan may ginpaguwa nga suspension order ang Office of the Ombudsman.

Wala napatuman suno kay Sorongon bangud naka-file sang motion for reconsideration ang iya abogado.

Nagpaguwa sang desisyon ang Ombudsman nga napetsahan sang Disyembre 10, 2018 nga naga-suspender kay Sorongon sang isa ka bulan kag isa ka adlaw may kaangtanan sa kaso administratibo nga ginpasaka ni 2nd District Board Member Liecel Mondejar Seville.

Base sa desisyon sang Ombudsman nangin liable si Sorongon bangud ginpasugtan ang iya bodyguard nga maka dala sang pusil paagi sa issuance sang mission order.

Samtang gin-dismiss naman ang kaso kriminal nga gin-file batuk kay Sorongon sang Agosto 2016 matapos wala napamatud-an sang tagreklamo nga may pusil ang staff sang alkalde. (Ariel Solacito)