Ginpahayag presensya sang ISIS sa Iloilo, indi matuod – PRO 6

Iloilo City— Indi matuod ang nagalapta nga impormasyon sa social media nga may mga miembro sang Islamic State of Iraq and Syria ukon ISIS sa Iloilo.

Ini suno kay Police Regional Office 6 Spokesperson Superintendent Joem Malong.

Nagpasiguro naman si Malong nga padayon ang pag-monitor sang mga pulis agud malikawan ang mga kalakasan ukon terorismo sa Western Visayas.

Sa baylo nga ipalapnag ang “fake news,” mas maayo nga ireport na lang sa pinakamalapit nga police station ang mga makaduluda nga personalidad suno kay Malong.

Nagpanawagan man si Malong nga indi magpalapnag sang ‘fake news’ kag wala pa na-verify nga impormnasyon agud malikawan ang pag-panic kag pagkatublag sang publiko.

Ginklaro naman ni Malong nga indi siya ang nagpalapta sang amo nga “fake news.” (AGB/ATT)