Mga perya operators sa Jaro Fiesta, ginmanduan nga mag-untat kon wala pa sang business permit halin sa syudad

Iloilo City— Ginmanduan sang Public Safety and Transportation Management Office (PSTMO) ang mga perya operators sa Jaro Fiesta nga untatan ang ila operasyon samtang wala pa nakakuha sang business permit sa syudad.

Ini ang ginpahibalo ni PSTMO Head Jeck Conlu kasunod sang pagkahulog sang mag-iloy sa Ferris wheel sa Diversion Road, Mandurriao sang Enero 26.

Suno kay Conlu, natukiban niya nga naandan na lang sang mga perya operators nga mag-transaksyon sa mga in-charge sa event ukon magdiretso sa barangay para magkuha sang permit.

Bilang inisyatibo, plano ni conlu nga magsulat sa mga barangay kapitan agud ipahibalo nga antes magsulod ang perya para sa fiesta, kinahanglan mag-secure sang permit sa city government antes pasugtan nga maka-operate. Katuyuan sang lihok suno sa iya nga indi na masulit pa ang aksidente. (AGB)