Police Regional Office 6, nagpasalig nga wala sang pamahug sang terorismo sa Western Visayas

Iloilo City — Wala sang pamahug sang terorismo sa Western Visayas suno kay Police Regional Office 6 spokesperson Supt. Joem Malong.

Ginpasalig ini ni Malong matapos ang sunod-sunod nga pagpangbomba sa Mindanao.

Naka-alerto suno kay Malong ang mga pulis sa rehiyon kag may ginahimo naman nga mga tikang agud mapunggan ang pagsulod sang kalakasan.

Suno kay Malong, magluwas sa pagpabaskug sang intelligence monitoring, may dugang man nga deployment sa mga matawo nga lugar kag may coordination sa nagkalain-lain nga law enforcers kag mga stakeholders.

Importante man suno kay Malong ang suporta sang publiko paagi sa pag-report sa mga otoridad kon may makita sila nga makaduluda nga mga tawo. (Ariel Solacito)