19 anyos nga timbang sa Pavia, nagreklamo nga gintuyo himuslan sang pakaisa sang iya amo; suspek, nadakpan

Pavia, Iloilo — Nagakurog sa kakulba sang naabtan sang mga barangay officials kag tanod sang Barangay Balabag ang 19-anyos nga timbang sa isa sa mga subdibisyon sa barangay matapos siya gintuyo nga himuslan sang pakaisa sang iya amo.

Suno kay Kagawad Dodoy Maquiling, pasado ala una sang hapon sang Enero 31 sang nagpahibalo sa iya ang concerned citizen nga may timbang nga nagpalagyo sa ginateniran nga balay matapos gintuyo himuslan sang 58-anyos nga lalaki.

Wala sa balay ang mga amo sang amo nga tiun kag masami man nagakadto ang suspetsado sa balay suno kay Maquiling.

Ginpahayag nga bag-o lang nakatapos paligo ang timbang kag naga-ilis na sa sulod sang kuwarto sang ginsundan siya sang lalaki kag ginkup-an.

Ginpasaka suno sa babaye ang iya bayo pero wala nagmadilag-un ang suspetsado.

Na-record sang babaye sa iya cellphone ang pagpangayo niya sang tabang kag pagpamatok sa ginahimo sang lalaki.

Ang timbang tumandok sang Tobias Fornier (Dao), Antique. (AGB/MO)