Bangkay sang lalaki nga nabaklid ang mga kamot kag duguon, nasapwan sa Arevalo

Iloilo City — Nakabaklid ang magtimbang nga kamut kag duguon sang nasapwan ang wala na nagahulag nga lawas sang lalaki sa higad sang karsada sa Barangay San Jose, Arevalo alas 9:45 kagab-i, Enero 31.

Suno kay Police Inspector Benjie Ballejera sang Arevalo Police Station, gin-identify sang pamilya ang bangkay kay Jomar Jaleco sang Barangay Desamparados, Jaro.        

Ginpahayag ni Ballejera nga may mga pilas sa ulo kag lawas si Jaleco.

Una nga nakakita sa bangkay ang driver sang Tata taxi nga nakalabay sa lugar. (JoMaque)