City Administrator Atty. Hernando Galvez, nagpasiguro nga wala sang misappropriation sa pondo kasunod sang pagkakas sa pirma sang treasurer kag budget officer sa job order

Iloilo City — Ginpasiguro ni City Administrator Atty. Hernando Galvez nga wala sang matabu nga overspending kag misappropriation of funds matapos ginkakas na ang pirma sang City Treasurer’s Office kag City Budget Office sa job order.

Suno kay Galvez, may Allotment Release Orders ang City Government nga amo ang magagiya sa paggamit sang pondo sang ensakto, bisan wala sang certificate of availability of funds halin sa City Treasurer’s Office.

Ginpahayag ni Galvez nga wala man nabutang sa kasuguan nga dapat yara sa job order ang pirma sang duha ka opisina. (JoMaque)