Jaro police, naghingyo sang kooperasyon sa publiko para sa matawhay nga paghiwat sang kapiyestahan sa distrito

Iloilo City — Naghingyo ang Jaro police sang kooperasyon sang mga deboto sa kapiestahan ni Nuestra Señora dela Candelaria buwas, Pebrero 2.

Suno kay Senior Inspector Eduardo Siacon Jr, hepe sang Jaro Police Station, target nila nga wala sang matabu nga insidente gani mas istrikto sila nga mapatuman sang safety measures.

Magluwas sa police lanes sa compound sang Jaro Cathedral kag pasulod sa plaza, maga-augment man ang mobile force company, k9 team kag iban pa nga units kag force multipliers.        

Tuyo sang mas hugot nga seguridad suno kay Siacon nga mapunggan ang sin-o man nga magahimo sang kalakasan pareho sa natabu nga pagpangbomba sa simbahan sa Jolo, Sulu sang Enero 27. (JoMaque)