Seguridad sa Iloilo Airport, ginhugtan kasunod sang pagpangbomba sa Sulu

Cabatuan, Iloilo — Ginhugtan ang seguridad sa Iloilo Airport sa Cabatuan kasunod sang pagpangbomba sa simbahan sa Jolo, Sulu sang damlag lang.

Suno kay Mr. Arthur Parreño, terminal airport supervisor, nagahimo sang random checkpoint ang ila security unit magluwas pa sa pag-inspection sang Police Aviation Security kag special unit sang police nga detailed sa airport. May nagalibot man nga K9 team sa paluparan.

Ginpanugyanan ni Parreño ang mga pasahero nga magpadulong sa airport duha ka oras antes ang ila flight agud indi ma-delay bangud sang mas istrikto nga security check. (AGB)