3 patay sa pagbunggu-anay sang motorsiklo kag tricycle sa Estancia

Estancia, Iloilo – Patay ang driver kag angkas sang motorsiklo kag ang pasahero sang tricycle sa aksidente sa Barangay Pani-an, Estancia mga ala-una kaina sang kaagahon, Pebrero 2.

Ginkilala ang napatay kanday Alvin Dela Cruz, 28 sang Barangay Hamod, Batad (driver sang motorsiklo); Rustom Arostique, 32 sang Barangay Canapian, Maayon, Capiz (angkas ni Dela Cruz); kag Marilyn Duran, 56 sang Barangay Marita, President Roxas, Capiz (pasahero sang tricycle).

Pilason naman si Danilo Duran, 60, driver sang tricycle kag bana sang napatay nga si Marilyn.

Sa pagpangusisa sang Estancia police, mangumpra sang isda ang mag-asawa nga Duran sang nasugata sa Villa Pani-an ang motorsiklo nga ginasakyan nanday Dela Cruz kag Arostique nga lunsay mga construction workers kag natabu ang aksidente.

Dead-on-arrival sa Jesus Colmenares District Hospital sa Balasan ang tatlo. (AGB)