Jaro Fiesta, malinong suno sa police

Iloilo City — Malinong ang assessment sang Jaro police sa kapiestahan ni Nuestra Señora de la Candelaria subong nga adlaw, Pebrero 2.

Suno kay PSINSP Eduardo Siacon Jr, hepe sang Jaro Police Station, wala sila sang na-record nga mga insidente halin kahapon tubtob kaina sang hapon.

Nagapasalamat si Siacon sa kooperasyon sang mga nagalagaw sa kapiyestahan sa pihak sang hugot nga seguridad.

Ginasunod gid suno sa iya sang mga sumilimba kag nagapamiesta ang mga pagsulundan nga ginpatuman sang kapulisan para nga mapablin nga matawhay piyesta.

Gindumili sa sulod sang Jaro Cathedral kag plaza ang backpack kag dalagku nga bag. (AGB)