Pila ka dalanon sa Jaro, temporaryo nga ginsiraduhan angut sa kapiyestahan sang distrito

Iloilo City — Temporaryo nga ginsiraduhan ang pila ka dalanon sa Jaro angut sa kapiestahan sang distrito subong nga adlaw, Pebrero 2.

Sa Regulation Ordinance Number 2019-040, ginsiraduhan ang M. Jalandoni Street halin kahapon tubtob alas-11:59 karon sa gab-i para makabaligya sang perdon nga kandila sa mga deboto.

Sa Regulation Ordinance Number 2019-015 naman, siraduhan sa trapiko ang dalan E. Lopez, Fajardo, Commission Civil, Jalandoni, Lopez Jaena, kag Libertad tubtob sa Jaro Plaza sa atubang sang Cathedral halin alas-4 karon sa hapon tubtob alas-7 sa gab-i angut naman sa procession.        

Maga-augment sa mga pulis ang 246 ka personnel sang Public Safety and Transportation Management Office suno kay PSTMO head Jeck Conlu. (JoMaque)