Lalaki, pilason matapos ginbuno sang iya abyan sa Janiuay

Janiuay, Iloilo — Ginbuno sang 55-anyos nga lalaki ang iya 45-anyos nga abyan sa kafiestahan sang Barangay Monte Magapa, kahapon, Pebrero 2, bangud indi magpa-pierde sa istorya suno sa pulis.

Suno kay PO2 Raymond Dailan, imbestigador sa Janiuay Police Station, upod nga naga-inom inom ang biktima nga si Nemrod Dago sang Barangay Panuran, Janiuay kag ang suspetsado nga si Jimmy Mamon sang nagsuay kag nagsabtanay.

Naglakat ang biktima apang ginsundan siya sang suspetsado kag liwat sila nga nagsabtanay tubtob nga ginbuno ni Mamon si Dago sang pinuti.

Padayon nga ginabulong sa Janiuay District Hospital si Dago bangud sang pilas sa wala nga kilid samtang nadakpan naman si Mamon.

Desidido nga magpasaka sang kaso ang biktima batuk sa suspetsado suno sa pulis. (JoMaque/AT)