Masobra duha ka libo ka paltik nga pusil, ginguba sang PRO 6

Iloilo City — Ginguba gamit sang acetylene sang Police Regional Office 6 ang 2, 297 ka paltik nga mga pusil nga gin-surrender angut sa ‘Kampanya Kontra Ginadumilian Nga Pusil’ ukon kampanya batuk sa mga loose firearms.

Suno kay PRO 6 Director Chief Superintendent John Bulalacao, ginhimo ang lihok agud indi na magamit sa iban pa ang gin-surrender nga mga pusil.

Ginhatagan naman ni Bulalacao sang kahigayunan ang mga gun owners nga nag-surrender sang ila pusil bangud sang expired nga license ukon mga permit nga asikasuhon ang nagakaigo nga mga dokumento. (AGB/ATT)