P1.9 billion nga balor sang suspected shabu, nakumpiskar sang PDEA kag PNP sa ginapatihan drug warehouse sa Cavite; 2 Chinese,patay sa operation

Cavite — Naglab-ot sa 1.9 billion pesos nga balor sang suspected shabu ang nakumpiskar sang Philippine Drug Enforcement Agency kag Philippine National Police sa ginapatihan drug warehouse sa Barangay Amaya, Tanza.

Suno kay PDEA Director General Aaron Aquino, natabu ang drug buy bust operation pasado las 4 kahapon sang hapon, Pebrero 3.

Nakabakal sila suno sa iya sang isa ka kilo sang suspected shabu sa mga subject antes ang operation.

Nagresulta ini sa pagkapatay sa duha ka Chinese nga ginkilala kanday Vincent Lim Du kag Hong Li Wen nga nakuhaan pa sang .9mm caliber kag caliber 45. (JoMaque)