Pila ka kongresista, nag-react sa House Resolution nga naga-limit sang access sa SALN sang mga miembro sang Kamara
Iloilo City — Naghatag sang ila tagsa ka reaksyon ang duha ka incumbent congressmen kag isa ka anay partylist representative sa ginpasar nga House Resolution 2467 nga nagatalana sang bag-o nga guidelines sa pagkuha sang statement of assets, liabilities and net worth (SALN) sang mga kongresista.
Suno kay anay Bayan Muna Party list Representative Neri Colmenares, wala sang dapat ikahuya ukon taguon ang mga kongresista kon halin sa legal ang ila kuwarta. Maathag suno sa iya sa konstitusyon nga malain ang ill-gotten wealth kag ang unexplained wealth
Ginapanindugan naman ni 3rd District of Iloilo Congressman Arthur ‘Toto’ Defensor nga dapat accessible ang SALN kun kinahanglan bangud may sang waiver nga may full access sa dokumento ang Ombudsman kag bisan ang publiko. Pero ginbutangan lang suno sa iya sang dyutay nga safeguards para indi mangin masyado kakumbinyente sa mga luyag mag-access.
Indi naman pamilyar sa resolution si Iloilo City Lone District Congressman Jerry Treñas bangud nagkadtu siya sa Senado sang ginpasar ini sa plenary. Plano sang kongresista nga makigkita sa house majority leader agud hibaluon ang kaundan sang resolution. (AGB)