Mayor Joe Espinosa, ginahatagan prayoridad ang job orders matapos ang reklamo sa pagka-delay sa sweldo sang mga job hires

Iloilo City — Ginatutukan subong ni Mayor Joe Espinosa ang job orders sang mga job hires para malikawan ang delay sa sweldohanay.

Suno kay Mayor Espinosa, may bag-o sila nga sistema sa pagpirmahanay subong sang mga job orders agud masolbar ang problema sa atrasado nga sweldohanay kag para mauntat na ang mga huring-huring nga siya ang rason sang pagka-delay sa sweldo.

Ginpahibalo sang alkalde nga natapos na niya pirma ang tanan nga job orders para sa masunod nga bulan kag kon may delay sa gihapon sa sweldohanay, nagakahulugan nga ang deperensya wala sa iya opisina kundi ara sa iban. (JoMaque)