(UPDATE) Grade 11 student, patay sang nabungguan sang elf truck sa Pototan

Pototan, Iloilo — Patay ang 17 anyos nga estudyante sang nabungguan sang elf truck sa Barangay Dawis kahapon, Pebrero 4.

Suno kay PO2 Raffy Gonzales, imbestigador sang Pototan Police Station, bag-o lang panaog ang estudyante sa jeep kag gulpi nga nagtabok. 

Natabuan nga may nagasunod nga elf truck sa jeep kag posible wala natalupangdan sang biktima rason nga nabungguan.

Minor injuries ang naagum sang biktima kag conscious pa sang gindala sa ospital suno kay PO2 Gonzales pero mga las 6 kahapon sang hapon gindeklarar siya nga napatay.

Preso naman sa Pototan Police Station ang driver sang truck nga si Charlie Elendron, 62 anyos sang Brgy. Barasan, Pototan.

Nag-areguluhanay man ang pamilya sang biktima kag ang tag-iya sang truck suno kay PO2 Gonzales. (AGB/JGM)