17 ka pulis lakip ang ICPO Director, ginkasuhan ni Councilor Plaridel Nava angut sa pagdakup sa iya duha ka bodyguards nga suspek sa pagpatay sa iya pakaisa

Iloilo City — Ginpasakaan subong nga hapon, Pebrero 6, sang sampaw-sampaw nga mga kaso administratibo ni Councilor Plaridel Nava sa Ombudsman ang 17 tanan ka mga pulis lakip si Iloilo City Police Office Director PSSUPT Martin Defensor Jr angut sa pagdakop sa iya duha ka mga body guards nga suspetsado sa pagtiro-patay sa iya pakaisa.

Grave abuse of authority, gross misconduct kag conduct prejudicial to the best interest of public service ang ginpasaka sa Ombudsman batuk kanday Defensor, Police Station 1 chief, Police Superintendent Jonathan Pablito, Mandurriao Police Station head Chief Inspector Marlon Valencia kag iban pa.

Dugang nga mga kaso kriminal ang ipasaka batuk sa mga natungdan sa masunod nga semana suno kay Nava. (AGB/ATT)