28-anyos nga kargador, ginpreso matapos ginreklamo nga nanghurikap sa paa sang mag-utod nga babaye sa City Proper

Iloilo City– Prisuhan ang gintup-an sang kargador nga ginpahayag nanghurikap sa paa sang mag-utod nga babaye sa Barangay Rizal Pala-Pala II, City Proper kaina sang kaagahon, Pebrero 6.

Suno sa tagreklamo nga si alyas Inday, 17-anyos, nagakatulog sila sang iya magulang nga 18-anyos sang nagsulod sa ila kwarto si alyas Balang-Balang kag hinali lang ginhurikap ang ila paa.

Suno pa kay Inday, wala siya naghuna-huna nga may himuon nga kabastusan ang suspek bangud kilala man siya sang ila pamilya.

Nagpangayo sang bulig ang mag-utod sa ila iloy nga nagakatulog man sa ila tupad kag ginpadakop si Balang-Balang.

Pursigido ang mag-utod nga magpasaka sang kaso batuk sa suspetsado. (JoMaque)