1 sa 17 ka pulis nga ginkasuhan ni Councilor Plaridel Nava bangud sa pagdakop sa iya duha ka bodyguards nga wala sang warrant of arrest, natukiban nga na-dismiss na

Iloilo City — Dismissed na si PO3 Melbert Niño, isa sa 17 ka pulis nga ginpasakaan sang kaso administratibo ni Councilor Plaridel Nava angut sa pagdakup sa iya duha ka bodyguards nga wala sang warrants of arrest kag ginpahayag pagtanum pa sang mga ebidensya.

Suno kay  Inspector IV Napoleon Arostique, chief sang Technical Services Division sang National Police Commission 6, sa ila official record, dismissed si Niño nga PO1 pa lang sang ginreklamo sang 2015.

Ginpasakaan siya sang kaso nga grave misconduct upod ang pila pa ka pulis matapos ginreklamo sang menor-de-edad nga dalagita nga nagpahug sa iya sang 2014.

Nobyembre 2017 suno kay Arostique sang naguwa ang dismissal order sang Napolcom En Banc batuk kay Niño kag apat pa ka pulis.

Ginpasakaan man sang gross neglect of duty si Niño bangud absent sa Napolcom inspection sang 2017.

Assign subong sa intelligence unit sang Iloilo City Police Office si Niño.

Gin-kwestyun ni Councilor Nava kon ngaa nakaupod si Niño sa pagdakup sa kanday Roy kag Rey Julius Delos Reyes bisan nga dismissed na. (Ariel Solacito)