ICPO director, ginarespeto ang pagpasaka sang kaso ni Councilor Plaridel Nava sa Ombudsman angut sa pagdakop sa iya 2 bodyguards

Iloilo City — Ginarespeto ni Senior Supt. Martin Defensor, director sang Iloilo City Police Office, ang pagpasaka ni Councilor Plaridel Nava sang kaso administratibo sa Ombudsman batuk sa 17 ka mga pulis lakip na sa iya

May kaangtanan ini sa pagdakup sa duha ka bodyguards sang konsehal.

Suno kay Defensor, atubangon nila nga mga ang pulis kaso.

Ginpanindugan ni Defensor nga sakup sang hot pursuit ang pagdakup nila kanday Roy kag Rey Julius ‘Tata’ Delos Reyes sang Enero 7, 2019 gani indi kinahanglan ang warrant of arrest.

Gintudlo ang mag-utod nga suspects sa pagpatay kay Mercedes Nava, pakaisa ni Councilor Nava, sang Enero 4, 2019.

Ginpabutyag ni Councilor Nava nga may kaso kriminal pa gid sila nga ipasaka batuk sa 17 ka pulis. (Ariel Solacito)