ILOILO CITY MAY APAT NA KA KASO SANG TIPDAS

ILOILO CITY — Naka record ang Iloilo City sang apat ka kaso sang measles ukon tipdas subong nga tuig.

Sa apat, tatlo ang naghalin sa Jaro kag isa sa Lapaz.

Suno kay City Health Officer Dr. Bernard Caspe, plano nila maghimo sang pagbakuna sa nasambit nga areas agud nga indi na maglapta ang virus.

Ginpahayag man ni Caspe nga pila sa mga sintomas sang tipdas ang ubo, sip-on, nagapula ang mata, paghilanat sang tatlo tubtob lima ka adlaw kag pneumonia.

Dugang pa ni Caspe, dapat ipa-immunize ang kabataan kag magkonsulta gilayon kun makabatyag sang mga sintomas. (JoMaque)