PSTMO, mabalik sa pagpanakup sang mga nagabiyahe sang e-bikes subong nga bulan

Iloilo City — Mabalik sa pagpanakop sang mga naga-operate kag nagabiyahe sang e-bikes ang Public Safety and Transportation Management Office (PSTMO) subong nga Pebrero pagkatapos sang Paraw Regatta.

Suno kay PSTMO Head Jeck Conlu, sapulon niya ang mga e-bike operators kag pahibaluon nga illegal ang ila pag-operate kon wala sila sang driver’s license kag franchise.

Makigkita man si Conlu kag Councilor Plaridel Nava agud maresolba ang reklamo sang mga trisikad drivers sa mga e-bike drivers sa Molo.

Gin-ako ni Conlu nga sa subong, masako pa iya personnel para sa Paraw Regatta. Magahulat man siya sang dugang nga guidelines halin sa Land Transportation Office (LTO) angut sa pag-operate sang e-bikes.

Suno kay Conlu, masobra sa 100 ka e-bikes ang naga-operate sa syudad. (JoMaque)