RIDMD, nakasumiter na sang ila investigation report kay PRO 6 Director John Bulalacao angut sa kontrobersiyal mga pag-raid sa pamilya Regalado

Iloilo City — (UPDATE) Ginkunfirmar ni PSupt. Pablito Asmod, head sang Regional Investigation and Detective Management Division (RIDMD), nga nakasumiter na siya sang report kay Police Regional Office 6 Director Chief Supt. John Bulalacao angut sa kontrobersiyal nga pag-raid sa balay sang pamilya Regalado sang Disyembre 13, 2018.

Suno kay Asmod, sang Pebrero 4 pa siya nakusumiter sang report lakip ang imbestigasyon sang Regional Anti-Cyber Crime Group.

Wala gintu-ad ni Asmod ang rekomendasyon sang iya opisina kag gintugyan kay Bulalacao ang pagdesisyon sini.

Una na nagreklamo si Mrs. Candelaria Regalado, ugangan ni the late PDEA-identified drug group leader Melvin Odicta nga nadulaan sila sang P2.4-Million nga balor sang mga alahas kasunod sang pagserbe sang search warrant sang Regional Drug Enforcement Unit kag Philippine Drug Enforcent Agency sa iya himata.

Ginpahayag ginliso man ang CCTV camera sa balay ni Mrs. Regalado kag gin-tanuman man sang mga operatiba sang mga ebidensiya batuk sa apat ka miembro sang ila pamilya.

Suno kay Bulalacao , wala pa niya nabasa ang report bangud yara siya sa Manila. (JoMaque)