Construction worker nga tokhang surrenderer, dakup sa drug buy bust operation sa Oton

Oton, Iloilo — Dakup sa drug buy bust operation ang contruction worker nga tokhang surrenderer sa Brgy. Pulo Maestra Vita kagab-i, Pebrero 9.

Nabaklan si Raymart Ballesteros Decena, 27 anyos sang amu man nga barangay, sang isa ka sachet sang suspected shabu nga nagabalor sang P1,000.

Narecover pa gid kay Decena ang apat (4) sachets sang suspected shabu.

Suno kay Chief Inspector Gervenson Moyo, hepe sang Oton Police Station, tokhang surrenderer si Decena sang nagligad nga tuig apang na-monitor nga masobra duha ka bulan na nga nagbalik sa pagbaligya sang illegal nga druga. (JoMaque)