Kahiwatan sang 47th Iloilo-Guimaras Paraw Regatta, nagsugod na

Iloilo City — Nagsugod na ang prestihiyoso nga Paraw Regatta 2019. Ginbuksan ang ika-47 ka tuig nga Iloilo-Guimaras Paraw Regatta sang Pebrero 9 sa Guimaras.

Suno kay Dr, Ronald Raymond Sebastian, presidente sang Paraw Regatta Foundation Incorporation, madamo sang mga innovations subong nga tuig kasubong sang Paraw Furniture-Making Competition, Minature Galleon Showcase, Bangkarera Race, Jetski Amazing Race kag ang Lighted Paraw Competition.

Ilunsar man subong nga tuig ang festival mascot nga si Burong.

Balantayan ang paindis-indis sang mga Paraw kag sang mga kandidata sa Ms. Paraw Regatta 2019.

Natalana naman hiwaton ang ginabantayan nga Sinamba sa Regatta Dancefest sa Iloilo Esplanade.

Ang Iloilo Paraw Regatta ginakabig nga oldest traditional craft event sa Asya kag pinakadako nga sailing event sa Pilipinas.   (JoMaque)