Lalaki sa Mina, gin-aresto matapos nakuhaan sang granada sa baylehan

Iloilo — Preso ang 34-anyos nga lalaki matapos nakuhaan sang granada sa baylehan sa Barangay Naumuan, Mina.

Suno kay SPO4 Joel Flores, deputy chief of police sang Mina Police Station, nahulog ang granada halin sa bulsa ni Gelsir Perualila, pumuluyo sang Barangay Yugot, Mina.

Ginturn-over ang nakuha nga granada sa Explosive and Ordnance Division (EOD) sang Police Regional Office 6.

Ginpahayag naka-inom si Perualila sang nagluntad ang insidente. (JoMaque)