PECO kag NGCP, nagpa-athag angut sa masobra apat ka oras nga brownout kaina sang aga

Iloilo City — Gin-shutdown sang Panay Electric Company (PECO) ang apat nila ka substations santu man sa hingyo sang National Grid Corporation of the Philippines (NGCP) bangud sang ila maintenance work.

Nagsugod ang brownout las 5:30 kaina sang kaagahon kag ginapaabot nga mabalik ang supply las 9:30 sa aga.

Suno kay Engr. Randy Pastolero, Vice President for Operations sang PECO, ang maintenance work sang NGCP tuga sang road widening project sang Department of Public Works and Highways (DPWH).

Pa-athag naman ni Michelle Vicera, PIO sang NGCP, natapos ang ila trabaho sa gintalana nga oras pero wala gilayon nabalik ang elektrisidad bangud naghulat sila sang clearance halin sa PECO. Ini bangud may ginhimo man nga maintenance work ang PECO. (AGB)