45 banwa sa Western Visayas, ginamonitor sang PRO-6 bilang election hot spots

Western Visayas — –45 ka banwa sa Western Visayas ang ginamonitor sang Police Regional Office 6 bilang election areas of concerns ukon ginatawag nga election “hotspots”.

Suno kay PRO 6 Spokesperson Superintendent Joem Malong, indi pa mahingadlan ang natungdan nga mga lugar bangud ginavalidate pa ang impormasyon apang 6 ang sa Yellow Category kag 39 naman sa Orange Category.

Una na ginkunfirmar ni Malong nga Calinog lang sa rehiyon ang ginrekomendar kag ginlista sa Red Category nga election hotspot ukon sa grave threat.

May yara sang tatlo ka kategorya ang election hotspots nga ginalakipan sang Category 1 ukon Yellow Category, Category 2 ukon Orange Category kag Category 3 ukon Red Category.

Sa Category 1 suno sa PRO-6, ang mga lugar ang may yara sang intense political rivalry kag election related incidents sa nakaligad nga duha ka election.

Sa category 2 naman may yara sang presensya sang rebelde nga grupo kasubong sang New Peoples Army ukon private armed groups.

Ginpa-athag naman ni Malong nga lunsay rekomendasyon pa lang ang listahan nga nalakip sa election hot spot areas sa Western Visayas kag posible pa magbag-o sa palaabuton. (JoMaque/AT)