(UPDATE) 4 lakip ang tatlo ka mag-utod, patay sang nabungguan sang SUV ang tricycle sa Sta. Barbara

Sta. Barbara, Iloilo (UPDATE 2) – Apat na ang napatay sang nabungguan sang SUV ang tricycle sa Barangay Lanag, Sta. Barbara pasado ala-una kaina sang kaagahon, Pebrero 14.

Ginconfirmar ni PSINSP Rey Pabalan, hepe sang Sta. Barbara MPS, nga mga alas-10 kaina sang aga, nagtawag ang pamilya kag nagpahibalo nga napatay si Eljay Surmieda, 19.

DOA ang mga magulang ni Eljay nga sanday Romel, 25, kag Janice, 21, samtang pasado alas-kuwatro sang kaagahon, napatay si Jero Poll Souribio, driver sang tricycle kag live-in partner ni Janice.

Naka-hospital arrest si Aries Severo, driver sang SUV, bangud nga may mga pilas man kasunod sang aksidente. Ginpasaka kaina sang hapon ang kaso nga reckless imprudence resulting to multiple homicide batuk kay Severo.

Sa interview sang Aksyon Radyo sa kaupod ni Severo, gin-ako niya nga madasig ang dalagan sang SUV sang natabu ang aksidente.

Suno kay John Rey Gamboa, ginhambalan pa niya si Severo nga maghinay lang pero ginpadasigan pa ang padalagan kag nag-overtake sa ila ginasundan nga salakyan gani nabungguan ang sugata nga tricycle sang mga biktima. (AGB)