(UPDATE) Suspek sa brutal nga pagpatay sa dalagita sa Cabatuan nadakpan; suspek, nag-ako sa ginhimo nga krimen

Sta. Barbara, Iloilo -Nadakpan na ang suspek sa brutal nga pagpatay sa 16-anyos nga dalagita sa Cabatuan.

Nadakpan si Gringgo Morales, 25-anyos nga tumandok sang Barangay Bagongbong, Dueñas sa Cahigon, Calinog.

Gin-ako ni Morales nga siya ang naghimo sa krimen suno sa iya pakaisa nga si Luisa Cataluña nga iya ginkadtuan sa Cahigon. Suno kay Cataluña, kaina lang sila nagkilalahay ni Morales kag nakibot pa siya sang nag-abot ini sa ila lugar.

Gindala si Morales sa Iloilo Police Provincial Office headquarters sa Sta. Barbara sa diin gin-ako niya nga gintuyo niya himuslan si Inday pero nagsinggit gani iya ginpatay.

Una nga ginpahayag ni PSI Sullen Domingo, hepe sang Cabatuan Police Station nga 90% nga ginatudlo sang mga sirkumstansiya si Morales bilang suspetsado sa krimen.

Si Morales, nagatrabaho bilang construction worker, ang naga-estar sa atubang lang sang balay sang biktima. Caretaker ang asawa sang suspek sa balay nga ila gina-estaran.

Duha ka tuig na nga naga-estar sa lugar ang suspetsado.