Suspek sa pagpatay sa 16-anyos nga dalagita sa Cabatuan, nag-sorry sa ginikanan sang biktima

Iloilo — Nag-sorry si Gringgo Morales, 25 nga tumandok sang Bagongbong, Dueñas, matapos gin-ako nga siya ang nagpatay sa 16 anyos nga si alyas Inday nga nasapwan na lang sang iya ginikanan sa Cabatuan.

Suno kay Morales, gintuyo niya nga himuslan si Inday pero nagsinggit gani iya nga ginbuno sa tiyan kag ginlaslas ang puwak.

Naga-isahanon ang biktima sa balay sang Pebrero 13 sang gab-i bangud yara sa merkado ang iya ginikanan kag pasado las-10 sang gab-i na sila nagpauli pero wala na nausisa ang kuwarto sang dalagita.        

Base sa pag-autopsy sa bangkay ni Inday, pinakapatal niya nga pilas sa iya puwak nga ginlaslas, ginhiwa ang iya agtang, ginlihap man sang kutsilyo ang iya wala nga guya, may pilas sa wala kag tuo nga kamot, may abrasion sa wala nga kamot, may pilas sa sentro kag wala nga porsyon sang iya tiyan kag may pilas pa gid siya sa tiil.

Indi naman mabaton sang iloy ni Inday ang sorry sang suspek.

Suno sa iloy, indi ido ang iya bugtong nga bata agud patyon lang ni Morales. (JoMaque)