MORE Electric and Power Corporation, nakabaton sang impormasyon nga ginpirmahan ni PDuterte ang franchise bill sa ila power distribution

Iloilo City – Nakabaton sang impormasyon si MORE Electric and Power Corporation President Rowell Castro nga ginpirmahan na ni Presidente Rodrigo Duterte ang bill sang ila franchise para sa power distribution sa syudad.

Pero gina-verify pa ini suno kay Castro. Nagahulat ang MORE sa official statement sang Malacañang sa nangin aksyon sang presidente.

Bisan indi pagpirmahan sang presidente ang bill suno kay Castro, mangin laye na ini pagkaligad sang 30 ka adlaw nga nakalab-ut sa Office of the President. Subong nga adlaw magatakup ang 30 ka adlaw.

Nag-expire na ang franchise sang Panay Electric Company (PECO) sang Enero 19 subong nga tuig kag naga-operate subong ang distribution utility gamit ang ila gina-uyatan nga certificate of public convenience and necessity (CPCN). (JoMaque)