DepEd, nagpasiguro nga indi maapektuhan ang performance sang mga atleta sang Iloilo bisan nabuhinan ang ila ginhingyo nga pondo

Iloilo — Ginpasiguro ni Dr. Gilbert Solidum sang DepEd Division of Iloilo nga indi maapektuhan ang performance sang mga atleta sang Iloilo sa Western Visayas Regional Athletics Association (WVRAA) Meet 2019.

Ini bisan nabuhinan ang pondo nga ginhingyo sang DepEd para sa sports competition.

Suno kay Solidum, nahatag nila ang tanan nga basic nga kinahanglanon sang mga atleta pareho sang training, meal, uniform kag hygiene allowances.

Kahapon,Pebrero 17, ginhiwat ang opening ceremony sang WVRAA 2019 sa Villareal Stadium sa Roxas City, Capiz.

May yara sang 905 ka delegado ang Iloilo province, Iloilo City kag Passi city nga ginabug-usan sang 585 ka atleta sa elementary kag secondary; 177 ka coaches, assistant coaches, chaperone kag trainors kag 143 ka delegation officials. (JoMaque)