Suspek sa brutal nga pagpatay sa dalagita sa Cabatuan, napasakaan na sang kaso

Cabatuan, Iloilo – (UPDATE) Napasakaan na sang kaso kahapon sang aga, Pebrero 17 sang Cabatuan police si Gringgo Morales, 25 anyos, nga nag-aku nagpatay sa 16 anyos nga dalagita sa Serrano Extension, Cabatuan.

Ginpasaka ang kaso batok kay Morales kaina sang aga, Pebrero 17.

Suno kay Senior Inspector Sullen Domingo, hepe sang Cabatuan Municipal Police Station, kaso nga murder kag robbery ang ginpasaka batuk kay Morales.

Madumduman, base sa pag-autopsy sa bangkay sang dalagita, pinakapatal niya nga pilas sa iya puwak nga ginlaslas, ginhiwa ang iya agtang, ginlihap man sang kutsilyo ang iya wala nga guya, may pilas sa wala kag tuo nga kamot, may abrasion sa wala nga kamot, may pilas sa sentro kag wala nga porsyon sang iya tiyan kag may pilas pa gid siya sa tiil. (JoMaque)