13 ka staff ni Councilor Jay Treñas, wala pa maswelduhan halin sang Enero suno sa konsehal
Iloilo City — 13 pa ka staff ni Councilor Jay Treñas ang wala makabaton sang ila sweldo halin Enero tubtob Pebrero 15.
Ginpahibalo ini ni Treñas sa session sang Sangguniang Panlungsod kaina sang aga, Pebrero 19.
Suno kay Councilor Treñas, wala pa naka-abot sa iya opisina ang contract of service sang iya mga staff.
Ginpabutyag sang konsehal nga responsibilidad sang executive department nga masiguro nga ma-sweldohan ang mga naga-obra sa City Hall bisan pa nga may bag-o nga format sa mga job orders.
Ginlaygayan naman ni Councilor Plaridel Nava ang mga konsehal nga may kapareho nga reklamo nga magpadala sang complaint letter sa Ombudsman ukon Department of Interior and Local Government. (AGB)