Capiz Gov. Antonio Del Rosario, nagpangayo pasaylo sa mga nagbayad sang gate fee para makalantaw sa villareal stadium sang #WVRAA meet 2019

Roxas City — Nagpangayo sang pasaylo si Capiz Governor Antonio Del Rosario sa tanan nga nagbayad sang P2.00 nga gate fee para makalantaw sa Villareal Stadium sang WVRAA Meet 2019.

Suno sa gobernador, wala nakahibalo ang mga personnel sang stadium nga nag-issue siya sang Executive Order sa pagsuspendwe sa provincial ordinance angut sa pagsukot sang gate fee sa Villareal Stadium rason nagpanukot sila kaina sang aga.

Ginpauntat man ni Del Rosario ang pagsukot sang P2.00 sa paggamit sang comfort room sa Villareal Stadium.

Kahapon, Pebrero 18, nag-issue sang EO si Del Rosario.

Pebrero 17 sang nagsugod ang WVRAA Meet 2019 kag magatakop sa Pebrero 23.

Iga-turn-over sa Provincial Treasurers Office ang nakolekta nga entrance fee suno sa governor. (JoMaque)