Hardinero nga suspek sa paghimulos sa iya bayaw kag bilas sa Oton, arestado; Suspek, napasakaan na sang kaso
Oton, Iloilo–Ginhimuslan sang hardinero ang iya man lang bilas kag bayaw kag duha pa ka babaye nga ginpahayag himata niya man lang sa Oton.
Una nga nagreklamo sa Oton Police ang duha ka babaye matapos ginpahayag nga makapila ka beses nga ginhimuslan ni Jetro Antonio, 28-anyos sang Magdungao, Passi City.
Suno sa 24-anyos nga biktima nga si alyas Tata, ginatabo lang sang suspek nga wala ang iya bana sa ila balay sa paghimu sang kabastusan.
Natabu ang paghimulos suno sa biktima sang Enero 13 kag Enero 20 sa sulod sang banyo samtang nagapaligo siya.
Samtang, ginreport naman sang 14-anyos nga biktima kag bayaw sang suspetsado nga kapin sa 30 ka beses siya nga ginhimuan sang kabatusan.
Nag-umpisa ang pagbastos sa menor sang Setyembre sang nagligad nga tuig apang wala siya nagpanugid bangud sa kahadlok nga patyon siya sang iya bayaw.
May duha pa ka babaye nga ginhimuslan ang suspetsado pero duha palang ang nagpangisog nga magreklamo.
‘SILA ANG NAGAPALAPIT’
Gin-ako sang suspetsado nga ginhimuslan niya ang mga biktima. Suno kay Antonio, kagustuhan sang mga babaye ang natabu kag wala siya namilit.
Sa pagkamatuod suno sa iya, ang mga babaye ang nagakadto sa iya kag nagadulog sa iya katre.
Ginpahayag niya nga nagakatabu lang ini kun hubog siya.
Gin-ako man niya nga sultero pa lang siya, may mga nabiktima na siya.
Si Antonio ang may asawa kag may duha ka kabataan. (JoMaque)